Dus sáhttá leat riekti dáhkáduspenšuvdnii jus leat deavdán 65 jagi ja lea vuollegaš dehe iige mangelágán dienasvuđot penšuvdna. Jus oaččut vuollegaš penšuvnna sáhtát ohcat orohatlasi ja boarrásiidfuolahandoarjaga.
Lea jáhkehahtti ahte 65 jagi ahkerádji rievdá 66 jahkái jagi 2023. Olles dáhkáduspenšuvnna oažžumii gáibiduvvo ahte leat orron unnimus 40 jagi Ruoŧas dan rájis go devdet 16 jagi dassážii go deavddát 64 jagi. Jus leat orron oanit áiggi Ruoŧas šaddá dáhkáduspenšuvdna vuolit. Dat unnu 1/40 juohke váilu jagi váste.
Jus leat boahtán Ruŧŧii ja ožžon orrunlobi sirdolažžan dehe suodjedárbbaheaddjin don sáhtát dihto dáhpáhusas rehkenastit mielde iežat ovddit riikka orrunáiggi dáhkádusáigin dáhkáduspenšuvdnii.
Dáhkáduspenšuvdna unniduvvo jus dus lean dienasvuđot penšuvdna. Unnun dáhpáhuvvá osohahkii ja dagaha ahte dáhkáduspenšuvdna ii máksojuvvo ollenge go dienasvuđot penšuvdna lea alit go dihto submi.
Jus leat riegádan 1937 dehe ovdal dus sáhttá leat riekti dáhkáduspenšuvdnii. Dat doaibmá dalle buhtadussan rievdademiide mat dáhpáhuvve penšuvdnasystemas 2003.
Dáhkáduspenšuvdna go orut olggobealde Ruoŧa
Dáhkáduspenšuvdna sáhttá máksot dasa gii lea orron EO dehe EES-riikii gaskaboddosaš Ruoŧa lága jelgii(EES leat EO-riikkat sihke Norge, Island ja Liechtenstein).