Boahtteájgepensjåvnnåáltar- goassa mån máhtáv oadtjot gájkkásasj pensjåvnåv?

Boahtteájgepensjåvnnåáltar le pensjåvnnåáltar mij hiebaduvvá milta man guhkev mij gasskamärrásattjat vuordeduvvap viessot – vaj pensjåvnnå ij sjatta binnep gå mij viessop guhkep ájgev. Dat ij la nággijiddje valla bájnasj makkir álldaris dån áramusát máhtá oadtjot duv sisboahtopensjåvnåv ja premiepensjåvnåv ja goassa dån máhtá oadtjot riektáv loabedumpensjåvnåj ja årudakduoddáj.

Nåvti dån bájnatjuvá boahtteájgeápensjåvnnåálddaris

Dat bájnasj goassa dån áramusát máhtá oadtjot sisboahtopensjåvnåv ja premiepensjåvnåv - sisboahtopensjåvnåv ja premiepensjåvnåv máhttá oadtjot áramusát gålmmå jage duv boahtteájgepensjåvnnåálddara åvddål. Gávnnuji vissa tjuolddasa gasskamuddonjuolgadusáj diehti.
Boahtteájgepensjåvnnåáltar mierret vuodosuojev – dån máhtá áramusát oadtjot loabedumpensjåvnåv, sisboahtopensjåvnnåduottev, årudakduottev ja vuorrasijbierggimdårjav duv boahtteájgepensjåvnnåálddaris
Hiebaduvvá gasskamärrásasjviessom guhkkudgá milta guhkep ájgev- Jus gasskamärrásasjviessomguhkkudahka ienet de boahtteájgepensjåvnnåjáltar aleduvvá. Danen juohkka jage dagáduvvi åvddålijsárnnoma dunji gut ij la ájn oadtjum mierredum boahtteájgepensjåvnnåálddarav.

Manen boahtteájgepensjåvnnåáltar gávnnu?

Gå gasskamärrásasjviessomguhkkudahka ienet de såmmi pensjåvnnå hähttu bissot måttijt jagijt, mij vaddá binnep mánnobiedniklågov. Boahtteájgepensjåvnnåáltar biejaduvvá danen gå pensjåvnå e galga sjaddat vuolebu gå mij guhkebuv viessop.

Goassa dån máhtá oadtjogoahtet duv gájkkásasj pensjåvnåv?

Goassa dån máhtá oadtjogoahtet duv gájkkásasj pensjåvnåv mierreduvvá makkir jage dån la riegádam.

Sisboahtopensjåvnåv ja premiepensjåvnåv dån máhtá oadtjot áramusát gålmmå jage duv boahtteájgepensjåvnnåálldara åvddål . Gávnnuji vissa tjuolddasa dunji gut gåbtjåduvá gasskamuddonjuolgadusájs.
Loabedumpensjåvnnåj, sisboahtopensjåvnnåduoddaj, årudakduoddaj ja vuorrasijbierggimdoarjjaj dån áramusát máhtá riektáv oadtjot duv boahtteájgepensjåvnnåálldara rájes.
Dievnastusåensjåvnnå ij bájnatjuvá boahtteájgepensjåvnnåjálldaris.Goassa dån máhtá oadtjot dav mierreduvvá makkir dievnastuspensjåvnnålihttuj dån gullu.

Duv boahtteájge pensjåvnnåáltar jus dån la riegádam 1958-1964 jagen
Riegádimjahke	Boahtteájgepensjåvnnå áltar	Máhttá oadtjot sisboahto- ja premiepensjåvnåv	Áramusát riektá vuodosuodjáj*
1958	66 jage	61 jage rájes	66 jage rájes
1959	66 jage	62 jage rájes	66 jage rájes
1960	67 jage	62 jage rájes	67 jage rájes
1961- 1962	67 jage	63 jage rájes	67 jage rájes
1963- 1964	67 jage	64 jage rájes	67 jage rájes

* Loabedumpensjåvnnå, sisboahtopensjåvnnåduodde. årudakduodde ja vuorrasijbierggimdoarjja.

Skihpa- ja bargodisvuohtamávsálvis mávseduvvá gitta mánnuj åvddål gå dån la jåvsådam duv boahtteájgepensjåvnnåálddarij.

Åvddålijsárnnom duv boahtteájgepensjåvnnåálldarij- jus dån la riegádam 1965 jagen jali maŋebut

Jus dån la riegádam 1965 jagen jali maŋebut de duv boahtteájgepensjåvnnåáltar ij la ájn mierredum Juohkka jage dagáduvvi ådå åvddålijsárnnoma ma vuosedi gåktu boahtteájgepensjåvnnåltar dávk rievdaduvásj.

Tabellan vuollelin de dån vuojná makkir boahtteájgepensjåvnnåáltar mij la fámon duv riegádimjahkáj jur dálla. Mujte siffara máhtti rievdauvvat åvddål gå duv boahtteájgepensjåvnnåáltar mierreduvvá.

Åvddålijsárnnom duv boahtteájgepensjåvnnåálddarij jus dån la riegádam 1965-2014 jagen
Riegádimjahke	Åvddålijsárnnom boahtteájge-pensjåvnnåálddara hárráj	Máhttá oadtjot sisboahto- ja premiepensjåvnåv	Áramusát rievtesvuohta vuodosuodjáj*
1965- 1966	67 jage	64 jage rájes	67 jage rájes
1967- 1969	68 jage	64 jage rájes	68 jage rájes
1970- 1980	68 jage	65 jage rájes	68 jage rájes
1981- 1983	69 jage	65 jage rájes	69 jage rájes
1984- 1996	69 jage	66 jage rájes	69 jage rájes
1997- 1999	70 jage	66 jage rájes	70 jage rájes
2000- 2014	70 jage	67 jage rájes	70 jage rájes

* Loabedumpensjåvnnå, sisboahtopensjåvnnå, årudakduodde ja vuorrasijbierggimdoarjja.

Skihpa- ja bargodisvuohtamávsalvis mávseduvvá gitta mánnuj åvddål gå dån la jåvsådam duv boahtteájgepensjåvnnåálddarij.

Goassa boahtteájgepensjåvnnåáltar mierreduvvá – ja man dájvvalakkoj dat máhttá rievdaduvvat?

Boahtteájgepensjåvnnåáltar mierreduvvá guhtta jage åvddål gå dat fábmuj boahtá. Dat dunji vaddá ájge bále plánit duv pensjåvnåv. Boahtteájgepensjåvnnåáltar mahttá rievdaduvvat ienemusát jagijn ájgen, valla ber jus dat ij la rievdaduvvam åvdep gålmån jagen.