Niitä oon kaks eriä pansuuninmaksoa jotako sie tarttet maksaa yrittäjännä. Ensimäinen makso oon ikäpansuuninmakso elikkä omamakso, joka vastaa sen makson jonka työnantaja maksaa työläisestä. Toinen makso oon ylheinen pansuunimakso, jonka sie saat räknätä ittelesti ko sie maksat veroa sinun tilistä elikkä sinun ylimäärästä. Nämät verot ja maksot antavat sulle ylheisen pansuunin.
Tärkeätä hunteerata sulla yrittäjännä:
Ota ulos tili/ ylimäärä
Se tili elikkä ylimäärä jonka sie saat ja verotat tekkee ette sie tienaat sisäle sinun ylheisheen pansuuhniin.
Maksa veroja
Sinun ylheinen pansiuuni oon riippuvainen siittä kunka paljon sie olet maksanu sisäle Verovirasthoon veroitten ja maksoitten kautta. Joka vuosi räknäthään.
Oma säästäminen pansuuhniin
Yrittäjännä sie et saa virkapansuunia niinku usseimat työläiset saavat. Jos sie säästät 4,5 prosenttiä sinun sisäletulosta pitkänaijan säästämisessä se vastaa sen mitä usseimat työntekiät saavat sisälemaksetuksi virkapansuuhniin.
Katto koko sinun pansuunia ja tehe pansuuniennustuksen
Lokkaamalla sisäle Minun sivuile/Mina sidor ruottalaisela e-lekitimasuunila sie saatat nähhä koko sinun pansuunin ja mitä sie saatat saaja kuukauessa.
Ette johtaa yritystä jälkhiin 65?
Vaikka sie alat ottamhaan ulos pansuunia sie saatat pittää yritystä jäljelä. Silloin sie saat matalamat sosiaalit maksot ja suureman työverovähenyksen.