Sulla saattaa olla oikeus karantiipansuuhniin jos sie olet täyttäny 65 vuotta ja sulla oon matala elikkä ei yhthään sisäletuloperustettua pansuunia. Jos sie saat matalan pansuunin sie saatat hakea asuntolissää ja vanheempainelatustukea.
Ikäraijaa 65 vuotta tulhaan uskottavasti muuttamhaan 66 vuotheen vuona 2023. Ette saaja täyen karantiipansuunin vaaithaan ette sie olet asunu vähhiinthääns 40 vuotta Ruottissa siltä vuelta lähtien ko sie täytit 16 sille vuele ko sie täytät 64 vuotta. Jos sie olet asunu Ruottissa lyhemän aijan niin karantiipansuuni tullee olheen matalampi. Se vähenee 1/40 joka vuele joka puuttuu.
Jos sie olet tullu Ruothiin ja saanu oleskeluluan pakolaisena elikkä suojeluntarpheessaoleva sie saatat vississä taphauksissa saaja räknätyksi sinun asumisaijan sinun entisestä kotimaasta förssaijaksi karantiipansuunile.
Karantiipansuuni vähenethään kansa jos sulla oon sisäletuloperustettu pansuuni. Vähenys tapahtuu vähän kertaa ja tekkee ette karantiipansuunia ei ollenkhaan makseta ulos ko se sisäletuloperustettu pansuuni oon korkeampi ko vissi summa.
Jos sie olet syntyny 1937 elikkä ennen sulla saattaa olla oikeus karantiipansuuhniin. Silloin se toimii kompensasuunina muutoksille jokka tehthiin pansuunisysteehmiin 2003.
Karantiipansuuni ko sie asut Ruottin ulkopuolela
Karantiipansuunia saatethaan maksaa ulos sille joka assuu EU elikkä EES-maassa tilapäisen ruottalaisen lain mukhaan (EES oon EU-maat ja Norja, Iislanti ja Liechtenstein).
