Jus ieš it leat goassege válljen foanddaid, de biddjojit du ruđat stádalaš ovdagihtii válljejuvvon AP7 Såfa, heivehuvvon du ahkkái. Stadalaš ovdagihtii válljejuvvon AP7 Såfa:s lea alla riska, dat mearkkaša das lea stuora oasusoassi, go dus lea guhká vel penšunsahkái ja unnit riskka go šattat vuorasolmmožin. Dat lea nu ahte dus galgga leat vejolašvuohta oažžut nu buori árvoovdáneami go vejolaš. Don sáhtát válljet dan stadalaš ovdagihtii válljejuvvon AP7 Såfa buot dahje oassái du premiepenšuvdnii oktan eará foanddaiguin.
Lonuhit foanddaid
Lonuhit foanddaid, logge sisa iežat siidduide ruoŧa e-legitimašuvnnain. Mii eat ávžžut goassege rievdadit foanddaid dahje logget sisa du iežat e-legitimašuvnnain muhtun eará ávžžuhusaid geažil.
Jus dus ii leat ruoŧa e- legitimašuvdna, de sáhtát don geavahit foandalonuhanskovi. Váldde minguin oktavuođa diŋgot dan.
Geahča gosa du premiepenšuvdna lea biddjon
Don sáhtát oaidnit makkár foanddaide du premiepenšuvdna lea biddjon du siidduin. Logget sisa iežan siidduide (liŋka siidui ruoŧagillii)
Juohke jagi sáddejit penšuvdnaeiseválddit runta konvoluhta mas lea jahkediehtu du almmolaš penšuvnna birra. Das gávdnojit dieđut gosa du premiepenšuvdna lea biddjon. Go oažžut vuosttaš geardde konvoluhta, de oažžut dieđuid movt vuohččan galggat válljet iežat foanddaid.
Ale oastte juoga maid it ipmir
Dat gávdnojit fitnodagat geat váldet mávssu ja fallet válljet, lonuhit ja hálddašit du premiepenšuvnna. Dat fitnodagat sáhttet muhtomin misttahallat leame ruoŧa penšuvdnaeiseváldin dahje sii dadjet ahte barget min ovddas. Mii eat goassege ovttasbargga dakkár fitnodagaiguin.
Jus fállojit bálvalusat hálddašeddjiin dahje ráđđeaddiin penšuvnna ektui, de fertet fuolahit ahte ieš ipmirdat man ovddas mávssat.
Muhtin hálddašanfitnodagat muitalit hirbmat positiiva foandainvesteremiid birra ja addet ovdamearkkaid ahte kundarat leat nagodan duppalastet premiepenšuvdnakontoid dušše 5 jagis. Olu dain ovdamearkkain leat sakka eahpeduođat ja lea dehálaš ahte don dieđát maid dat bálvalusat mákset maid dat fitnodagat fallet dutnje, sihke jahkedivadiid ja foandadivadiid dáfus. Dat sáhttet šaddat divrrasin go don seasttát penšuvdnii guhkit áiggi vuollái.
Várut telefovdnavuovdaleddjiin
Suoidnemánu 1.b. 2018 rájes lea gielddus riŋget ja márkanfievrridit dahje vuovdit gálvvuid mat gullet premiepenšuvdnasuorgái. Jus čuojaha telefonvuovdaleaddji, de berret don loahpahit ságastallama.
Foandadivat váikkuha penšuvdnii
Divat lea dehálaš buot guhkesáigge seastimiin ja alla divadiin lea negatiiva váikkuhus seastimii. Juohke liigeruvnnos maid mávssát divadiidda, jávká dat seamma submi du boahtteáiggi penšuvnnas.
Don massát maid dan lassi árvoovdáneami maid oččošit jus ruđat maid mávssat divadiidda dan sadjái oroše du premiepenšuvdnaseastimis ja addet reanttuid jagis jahkái.
Jus válljet gaskkal seammalágaš foanddaid seamma kategoriijas, de lea buoremus válljet dan mas leat hálbbimus divadat. Árvoovdáneami foanddain lea váttis einnostit, muhto divadiid diehtá ovdagihtii.