Haddii weli aadan bilaabi qaadashada gunnada hawlgabka, xogta warqadda wargelinta ku qoran waxaa kamid ah tirada sannooyinkii aad shaqaysatay daqligaaga - iyo gunnada hawlgabka ee abaalmarinta ku salaysan iyo caddaynta daqliyada ee sannadkii ugu dambeeyay. Warqadda wargelin-sannadeedka waxaa xitaa ku qoran warbixin ku saabsan horumarka kaydka gunnada hawlgabka ee abaalmarinta ku salaysan ee sannadkii ugu dambeeyay.
Haddii aad qaadatay gunnada hawlgabka guud, waxaa ku qoran warbixin ku saabsan lacagaha gunnada hawlgabka la bixiyay iyo taariikhda sannadkaas lacagaha la bixiyay.
Waa inaad maamulka wargelisaa haddii aad u guurto adrees cusub oo dal dibadda ku yaalo, taasoo hay`adda u suurtagelin doonto in ay ku soo dirto baqshadda oranji iyo wixii warbixin oo cusub. Waa inaad maamulka wargelisaa isbedellada – haddii aad dalka Iswiidan ku nooshahay
Waxaad kala dooran kartaa haddii aad doonayso in baqshadda oranji boostada lagugu soo diro ama in farsamada digitaalka lagugu soo diro. Sanduuqa boostada ee digitaalka waa lacag la`aan waxaana u yeelan kartaa si fudud. Waxa keliya ee aad u baahan tahay waxaa weeyaan aqoonsiga farsamada digitalka ku salaysan ee loo yaqaanno [e-legitimation - Bank-ID] ee dalka Iswiidan. Sanduuqa boostada ee digitaalka (af Iswiidhish)
