Jis datne leah reakasovveme jaepien 1959 jallh dan mænngan maahtah aaremosth dov pensjovnem åadtjodh asken raejeste gåessie 62 jaepieh illeme. Jis datne leah reakasovveme jaepien 1958 jallh aarebi maahtah aaremosth dov pensjovnem vaaltah asken raejeste gåessie 61 jaepieh illeme. Datne maahtah barkedh seamma aejkie goh datne dov byjjes pensjovnem åadtjodh. Datne reaktam åtnah barkedh goske datne 67 jaepieh sjïdtedh, men jis datne jïh dov barkoevedtije seamadidie maahtah gujht guhkebe barkedh. Jaepien 2020 raejeste datne reaktam åtnah barkedh goske 68 jaepieh illedh.
Jis datne seente pensjovnem vaaltah dellie jollebe pensjovnem åadtjoeh. Dïhte dan gaavhtan datne hïnnh jienebe beetnegh dïenesjidh jïh åeniehkåbpoe tïjjem pensjoneerije årroeh.
Gåessie datne ohtsedh dellie nænnosth jis datne sïjhth ellie dov pensjovnem jallh bieliem dejstie vaeltedh fïerhten asken. Datne aaj nænnosth jis datne sïjhth dov premijepensjovnem seamma tïjjeste goh dïhte byjjes pensjovne.
Ohtsedh pensjovnem golme aski åvteli datne sïjhth dam åadtjodh. Jis datne ålkoelaantesne årroejih byörh ohtsedidh govhte aski åvteli. Gåessie dov ohtsemem vadteme åadtjoeh nænnoestimmiem mijjeste medtie 20.b. asken åvteli voestes maeksemeaske.
Pensjovneåejvieladtje dov byjjes pensjovnem maaksam akten aejkien fïerhten asken. Jis datne åtnah aarpijepensjovnem, årromelissiem jallh voeresefassemedåarjoem dejtie aaj seamma aejkien maaksa.
Ussjedh naan sveerjen dïenesjepensjovnijste automaateles maeksieh gåessie datne 65 jaepieh illh, jeatjah datne tjoerh jïjtje ohtsedidh. Bïeljelh dov dïenestepensjovnesïeltem dellie åadtjoeh daejredh guktie dutnjien sjædta.
Byjjes pensjovnem ohtsedh gosse mubpie laantesne årroeh
Jis datne lea barkeme jïh skaehtiem maekseme Sveerjesne datne leah dïenestamme sveerjen pensjovnese. Datne reaktam åtnah dam åadtjodh jïlhts datne mubpene laantesne årrodh pensjoneerijinie.
Jis datne Sveerjen ålkoelisnie årroeh EU- jallh EES-laantesne (EES lea EU-laanth jïh Nöörje, Islaante jïh Liechtenstein) edtjh datne ohtsedidh pensjovneåejvieladtjesne dennie laantesne gusnie årroeh. Datne byörh ohtsedidh sveerjen pensjovnem unnemes govhte askh åvteli datne sïjhth dov voestes askemaeksemem åadtjodh.
Pensjovne gosse Sveerjen ålkoelisnie årroeh (bïevnesh sveerjengïelesne)