Waxaad xaq ugu lahaan kartaa ku darka gunnada hawlgabka daqliga haddii aad har buuxsatay 65 sano (66 sano laga bilaabo 2023).
Haddii aad muddo dheer ka shaqaysan jirtay dalka Iswiidan, laakin mushaharkii lagu siin jiray usan badnayn waxaad xaq ugu lahaan kartaa ku darka gunnada hawlgabka daqliga. Taasoo saamayn ku yeelan karto xaqa iyo heerka ku darka gunnada hawlgabka daqliga:
- Heerka daqliga ee gunnada hawlgabka guud ku salaysan yahay.
- Tirada sanadood ee dalka Iswiidan oo aad ka shaqaysatay daqliyada ee gunnada hawlgabka ku salaysan yihiin.
Ku darka gunnada hawlgabka daqliga wuxuu ku jira gunnada hawlgabka guud
Markii aad codsanayso gunnada hawlgabka guud, waxaad islamarkaas codsanaysaa ku darka gunnada hawlgabka daqliga, iyadoo fiirogaar aan la siin immisa da`daada ay ahayd markii codsigaaga aad soo gudbisay. Ku darka gunnada hawlgabka daqliga waxaa lagu siin karaa laga bilaabo markii aad 65 sano buuxsato, waxaana lagu oggolaan doonaa toos markii aad soo gudbiso codsiga gunnada hawlgabka guud ama toos markii 65 sano aad buuxsato, haddii kahor aad qaadatay daqliga gunnada hawlgabka ku salaysan yahay (laga bilaabo 2023 waa 66 sano).
Lacag-bixinta ku darka gunnada hawlgabka daqliga saamayn kuma yeelato haddii aad shaqada sii wadanayso adigoo islamarkaas qaato gunnada hawlgabka ama go`aansato shaqo joojin. Laakiin heerka ku darka gunnada hawlgabka daqliga waxaa saamayn ku yeelan karo, lacagaha dheeraad ee aad shaqaysato sannooyinka kale daqliyada ee gunnada hawlgabka ku salaysan yihiin, waxaana sidaas ku qaadan doontaa gunnada hawlgabka oo tii hore ka badan.
Immisa ayaa lay siin karaa?
Ku darka gunnada hawlgabka daqliga ee ugu badan waa 600 koron kahor inta canshuurta laga jarin bishii ama waxba.
Heerka daqliga gunnada hawlgabka ku salaysan yahay ayay ku xiran tahay lacagaha aad xaq u leedahay. Xitaa daqliga gunnada hawlgabka ku salaysan yahay ee Midowga Yurub/Isbahaysiga dhaqaalaha Yurub ama dalka Switzerland wuxuu saamayn ku yeelan doonaa heerka ku darka gunnada hawlgabka daqliga.
Heerka ku darka gunnada hawlgabka daqliga waxaa kaloo saamayn ku yeelan karo tirada sannooyin aad shaqaysatay daqliyada ee gunnada hawlgabka ku salaysan yihiin ee dalka Iswiidan. Waxaa loo baahan yahay inta u dhaxayso 35 il 40 sano sidii aad ku hesho ku darka gunnada hawlgabka daqliga aan qabyada ahayn.
Haddii aad gunnada hawlgabka dal kale ka qaadato
Ku darka gunnada hawlgabka daqliga waxaa saamayn ku yeelan karo haddii aad gunnada hawlgabka laga siiyo Is-bahaysiga dalalka Midowga Yurub, Norway, Iceland iyo Liechtenstein. Waa daqligii ku salaysnaa da`da gunnada hawlgabka ee dalalkaas bixiyaan, isla sida daqliga gunnada hawlgabka ku salaysan yahay ee dalka Iswiidan, waxay saamayn ku yeelan kartaa heerka ku darka gunnada hawlgabka daqliga ee lagu siin karo.
Haddii lagu siiyo gunnada hawlgabka oo nooc kale ah, sida tusaale gunnada hawlgabka ee qofka laga geeriyooday, kuwaas saamayn kuma yeelan karaan ku darka gunnada hawlgabka daqliga.
Haddii aad degan tahay ama guurto ku dal kale
Waxaa lagu siin kara ku darka gunnada hawlgabka daqliga haddii aad degan tahay ama aad guurto dalalka Midowga Yurub/Isbahaysiga dhaqaalaha Yurub ama dalka Switzerland ama dal u dalka Iswiidan heshiis damaanada bulshada la galay. Haddii aad degan tahay ama u guurto dal kale, xaq ugu ma lihid qaadashada ku darka gunnada hawlgabka daqliga.
Dalalka hoos ku magacaaban waxay heshiiska damaanada bulshada la galeen dalka Iswiidan; Bosnia-Herzegovina, Chile, India, Israel, Japan, Canada, Cape Verde, Philippines, Morocco, Quebec (Canada Convention), Serbia, United Kingdom, South Korea, Turkey, United States.
Waa inaad maamulka wargelisaa haddii xaaladdaada ay wax iska bedesho
Haddii lagu siiyo gunnada hawlgabka cusub ama haddii gunnada hawlgabka laga siiyo dal kale wax iska beddesho ama haddii aad ka guurto dalka Iswiidan ama hoygaaga ka dhigato dal kale waa inaad wargelisaa Hay`adda Gunnada Hawlgabka. Waa inaad Hay`adda Gunnada Hawlgabka wargelisaa isbedellada saamayn ku yeelan karaan gunnada hawlgabka
