Sulla saattaa olla oikeus palkkapansuuninlisäyksheen jos sie olet täyttäny 65 vuotta (66 vuotta jällaa vuesta 2023).
Jos sulla on ollu pitkä työelämä Ruottissa mutta matala palkka sulla saattaa olla oikeus saa palkkapansuuninlisäyksen. Se joka vaikuttaa sinun palkkapansuuninlisäyksen oikeutheen ja kokhoon on:
- Koko sinun palkkaperustetussa ylheisessä pansuunissa.
- Monta vuotta Ruottissa koska sie olet tienanu pansuuninperustavia tuloja.
Palkkapansuuninlisäys on sisäletty ylheisen pansuunhiin
Kun sie haet ylheistä pansuunia sie haet samala palkkapansuuninlisäystä, riippumatta kuinka vanhaa sie olet kun sie jätät sisäle sinun hakemuksen. Palkkapansuuninlisäyksen sie saatat saa varhaiten kun täytät 65 vuotta ja se myönethään auttomaattisesti kun sie jätät sisäle sinun ylheisen pansuunin hakemuksen eli auttomaattisesti, jos sie olet ottanu ulos sinun palkkaperustetun pansuunin aiemin (vuesta 2023 jällaa 66 vuotta).
Palkkapansuuninlisäyksen ulosmaksoa ei vaikuta jos sie olet töissä samala aikaa kun sie otat ulos pansuunia eli valittet lopettaa työnteon. Palkkapansuuninlisäyksen kokoa saattaa vaikuttaa, jos sie tienaat lissää vuosia pansuuniperustavia tuloja ja sillä tavala saat korkeaman pansuunin.
Kuinkas paljon sie saatat saa?
Suuriin palkkapansuuninlisäys on 600 kruunua/kuukausi ennen veroa ja mataliin noll kruunuja.
Palkkaperustetun pansuunin koko määrää minkä summan sie olet oikeutettu saa. Palkkaperustettu pansuuni muusta EU/EES-maasta ja Schweizistä saattaa kans vaikuttaa sinun palkkapansuuninlisäyksen kokoa.
Palkkapansuuninlisäyksen kokoa vaikuttaa kans kuinka monta vuotta sie olet Ruottissa tienanu pansuuninperustavia tuloja. Vaatimus on 35-40 vuotta ette sie tulet saamhaan koko palkkapansuuninlisäyksen.
Jos sulla on pansuuni muusta maasta
Palkkapansuuninlisäystä vaikuttaa jos sulla on pansuuni muusta EU-maasta, EES-maasta eli Schweizistä. Se on palkkaperustettuja ikäpansuunia näistä maista, just kun palkkaperustettu pansuuni Ruottista, jokka vaikuttavat kuinka suuren palkkapansuuninlisäyksen sie saatat saa.
Jos sulla on muun tyypin pansuunia kun esimerkiks jälkhiinjäänheenpansuuni, net ei vaikuta palkkapansuuninlisäyksheen.
Jos sie asut muussa maassa eli siiryt muuhun maahan
Sie saatat saa palkkapansuuninlisäyksen, jos sie asut eli siiryt muuhun EU-maahan/EES-maahan eli Schweizhiin, eli maahan kenen kans Ruottila on sopimus sosiaalisesta turvasta. Jos sie sen eestä asut eli siiryt muuhun maahan, sulla ei ole oikeus saa palkkapansuuninlisäystä.
Ruottila on sopimus sosiaalisesta turvasta seuraavissa maissa: Bosnien-Hercegovina, Chile, India, Israeli, Japani, Kanada, Kap Verde, Filippinerit, Marokko, Quebec, (Kanada-konvensjuuni), Serbia, Storbritannia, Sydkorea, Turkiet, Ameriika.
Ilmota jos jotaki muuttuu
Jos sie saat uuven pansuunin, eli jos sinun pansuuni muusta maasta muuttuu, eli jos sie siiryt Ruottista, eli muutat asumismaata Ruottin ulkopuolela, sillon sie piät ilmottaa sen Pansuunivirastole. Ilmota muutoksia jokka vaikuttavat sinun pansuunhiin