Codsiga gunnada hawlgabka guud ee laga helo, wuxuu kaloo khuseeyaa damaanada gunnada hawlgabka, iyadoo fiirogaar aan la siin da`daada markii codsigaaga aad soo gudbisay. Damaanada gunnada hawlgabka waxaa siiba lagu saleeyaa heerka gunnada hawlgabka guud iyo tirada sano ee aad dalka Iswiidan ku noolayd, laakiin xitaa xaaladda guurka.
Haddii gunnada hawlgabka aynan badnayn oona ku nooshahay dalka Iswiidan waxaad codsan kartaa kabidda kirada hoyga iyo taageero-dhaqaaleedka waayeellada loogu talagalay.
Yaa damaanada gunnada hawlgabka la siin karaa?
Waxaad xaq ugu lahaan kartaa damaanada gunnada hawlgabka haddii aad 65 sano buuxsatay (Laga bilaabo 2023 waa 66 sano) oona daqliga gunnada hawlgabka ku salaysan yahay usan badnayn ama gebi ahaan aadan lahayn.
Sidii damaanada gunnada hawlgabka aan qabyada ahayn lagu siiyo awgeed, waa in ugu yaraan aad 40 sano dalka Iswiidan ku noolayd, tiriskaas oo laga soo bilaabo maalintii aad 16 sano buuxsatay iyo sanadkii ka horeeyay aad xaq ku leedahay damaanada gunnada hawlgabka. Haddii muddada aad dalka Iswiidan ku noolayd aynan sidaas u badnayn waxaa lagu siin doonaa damaanada gunnada hawlgabka oo aan badnayn. 1/40 hal afartan meelood ayaa laga dhimayaa sannad kasta oo qabyo ah.
Sidii aad xaq ugu lahaato damaanada gunnada hawlgabka, waa inaad ku noolayd ama dalka Iswiidan ka shaqaysan jirtay ugu yaraan saddex sanadood. Haddii aad ku noolayd ama ka shaqaysan jirtay Is-bahaysiga dalalka Midowga Yurub, Norway, Iceland iyo Liechtenstein EES ama Schweiz, waxaa xaaladdaas laysku dara sannooyinkaas iyo sanooyinkii dalka Iswiidan aad ka shaqaysan jirtay, laakiin waa inaad ku noolayd ama ka shaqaysan jirtay dalka Iswiidan ugu yaraan hal sano.
Haddii kaddib markii dalka Iswiidan aad timid sharciga lagugu siiyay qaxooti ahaan ama qof badbaadin u bahan waxaa xaaladaha qaarkood, xisaabsan kartaa muddadii aad dalkaaga hooyo ku noolayd muddada caymiska ahaan ee damaanada gunnada hawlgabka. Qodobkaan wuxuu khuseeyaa oo keliyaa dadka dhasheen 1957 ama kahor. Haddii aad dhalatay 1958 ama kaddib kuma khuseeyo qodobkani.
Haddii aad dhalatay 1937 ama kahor waxaad xaq ugu lahaan kartaa damaanada gunnada hawlgabka. Waxaa xaaladdaas loo isticmaala magdhaw ahaan u sabab ah is-beddelada hab-dhiska gunnada hawlgabka ee la hirgeliyay2003.
Maxaa saamayn ku yeelan karo heerka damaanada gunnada hawlgabka?
Damaanada gunnada hawlgabka waxaa lagu saleeyaa muddadii oo adiga ku noolayd ama ka shaqaysan jirtay dalka Iswiidan, Is-bahaysiga dalalka Midowga Yurub, Norway, Iceland iyo Liechtenstein.
Haddii aad leedahay daqliga gunnada hawlgabka ku salaysan yahay, sida tusaale daqligii gunnada hawlgabka, gunnada hawlgabka carmalka ama gunnada hawlgabka ee dal kale, waxaa damaanada gunnada hawlgabka kolba laga jara inyar ilaa muddo kaddib gebi ahaan laga ciribtiro kaddib markii ilaa heer la gaarsiiyay. Xaalad-guurkaaga waxay kaloo saamayn ku yeelan kartaa heerka damaanada gunnada hawlgabka.
Damaanada gunnada hawlgabka haddii aadan dalka Iswiidan ku noolayn
Xaq u yeelashada damaanada gunnada hawlgabka ee xiriirka la leh ku noolashada dalalka Is-bahaysiga dalalka Midowga Yurub, Norway, Iceland iyo Liechtenstein, wuxuu ku salaysan yahay sharci kummeelgaar ah kaasoo la ciribtiri doono dhammaadka 2022. Taasoo macneheedu tahay in laga bilaabo bisha jannayo 2023 aan damaanada gunnada hawlgabka aan laga bixin doonin haddii qofku u ku nool yahay dalalka Is-bahaysiga dalalka Midowga Yurub, Norway, Iceland iyo Liechtenstein. Gunnada hawlgabka markii aadan ku noolayn dalka Iswiidan
Waa inaad maamulka wargelisaa haddii xaaladdaada ay wax iska bedesho
Waa inaad mar kasta maamulka wargelisaa isbedellada oo saamayn ku yeelan karaan damaanada gunnada hawlgabka ee adiga lagu siiyo. Haddii lagu siiyo gunnada hawlgabka cusub ama haddii gunnada hawlgabka ee dal kale laga siiyo wax laga beddelo ama haddii aad guurto ama haddii xaaladda guurka wax iska beddesho waa inaad wargelisaa Hay`adda Gunnada Hawlgabka. Waa inaad maamulka wargelisaa haddii dal kale u ku siiyo gunnada hawlgabka
